ਲਹਿਣਾ ਜੀ ਆਪਣੇ ਪਿੰਡ ਕਾਰ ਵਿਹਾਰ ਦਾ ਪ੍ਰਬੰਧ ਕਰਕੇ ਫੇਰ ਕਰਤਾਰਪੁਰ ਵਾਪਸ ਆ ਗਏ। ਕਰਤਾਰਪੁਰ ਵਾਪਸ ਆ ਕੇ ਉਹ ਗੁਰੂ ਜੀ ਨਾਲ ਖੇਤਾਂ ਵਿੱਚ ਕੰਮ ਕਰਦੇ ਰਹੇ।
ਉਹ ਹਰ ਵੇਲੇ ਗੁਰੂ ਸੇਵਾ ਵਿੱਚ ਤਤਪਰ ਰਹਿੰਦੇ। ਉਹ ਹਰ ਵੇਲੇ ਨਾਮ ਜਪਦੇ ਤੇ ਕੋਈ ਨਾ ਕੋਈ ਕੰਮ ਕਰਦੇ ਰਹਿੰਦੇ ਸਨ। ਗੁਰੂ ਜੀ ਨੇ ਪਹਿਲੇ ਦਿਨ ਤੋਂ ਹੀ ਦੇਖ ਲਿਆ ਸੀ ਕਿ ਸਾਡੇ ਮਗਰੋਂ ਗੁਰਤਾ ਦੀ ਜ਼ਿੰਮੇਵਾਰੀ ਲਹਿਣਾ ਜੀ ਹੀ ਸੰਭਾਲਣਗੇ।
ਗੁਰੂ ਜੀ ਨੇ ਕਈ ਵਾਰ ਆਪਣੇ ਪੁੱਤਰਾਂ ਤੇ ਹੋਰਨਾਂ ਸਿੱਖਾਂ ਨਾਲ ਪ੍ਰੀਖਿਆ ਲਈ ਪਰ ਹਮੇਸ਼ਾ ਆਪ ਹੀ ਗੁਰੂ ਜੀ ਦੀ ਪ੍ਰੀਖਿਆ ਵਿੱਚ ਪਾਸ ਹੋਏ।
ਪਹਿਲੀ ਪ੍ਰੀਖਿਆ
ਇਕ ਵਾਰ ਗੁਰੂ ਜੀ ਭਾਈ ਲਹਿਣਾ ਜੀ ਤੇ ਹੋਰ ਸਿੱਖਾਂ ਨਾਲ ਵੇਈ ਨਦੀ ਇਸ਼ਨਾਨ ਕਰਨ ਗਏ। ਠੰਡ ਦੇ ਦਿਨ ਸਨ, ਬਾਰਿਸ਼ ਹੋਣ ਲਗ ਗਈ। ਸਾਰੇ ਵਾਪਸ ਆ ਗਏ।
ਗੁਰੂ ਜੀ ਜਦੋਂ ਨਦੀ ਵਿੱਚੋਂ ਬਾਹਰ ਆਏ, ਉਨ੍ਹਾਂ ਨੇ ਲਹਿਣਾ ਜੀ ਨੂੰ ਇਕੱਲੇ ਬੈਠੇ ਦੇਖ ਕੇ ਕਿਹਾ, ਤੁਸੀਂ ਨਹੀਂ ਗਏ। ਤਾਂ ਲਹਿਣਾ ਜੀ ਨੇ ਕਿਹਾ ਮੈਂ ਤੁਹਾਡਾ ਸੇਵਕ ਹਾਂ, ਸੇਵਕ ਗੁਰੂ ਨੂੰ ਛੱਡ ਕੇ ਕਿਸਤਰਾਂ ਜਾ ਸਕਦਾ ਹੈ।
ਇਹ ਸੁਣ ਕੇ ਗੁਰੂ ਜੀ ਬਹੁਤ ਖੁਸ਼ ਹੋਏ।