ਚੱਲਦੇ ਚੱਲਦੇ ਗੁਰੂ ਜੀ ਨੇਪਾਲ ਤੇ ਪੱਛਮੀ ਤਿੱਬਤ ਵਿੱਚ ਦੀ ਹੋ ਕੇ ਕੈਲਾਸ਼ ਪਰਬਤ ਚੜ੍ਹ ਕੇ ਮਾਨਸਰੋਵਰ ਤੇ ਪਹੁੰਚ ਗਏ। ਉਥੇ ਉਹਨਾਂ ਦੀ ਮੁਲਾਕਾਤ ਸਿੱਧਾਂ ਨਾਲ ਹੋਈ।
ਸਿੱਧ ਬਹੁਤ ਜ਼ਿਆਦਾ ਸ਼ਕਤੀਸ਼ਾਲੀ ਸਨ। ਸਿੱਧਾਂ ਨੇ ਗੁਰੂ ਜੀ ਨਾਲ ਧਰਮ ਬਾਰੇ ਬਹੁਤ ਚਰਚਾ ਕੀਤੀ। ਤਾਂ ਗੁਰੂ ਜੀ ਨੇ ਸਮਝਾਇਆ ਕਿ ਅਸਲੀ ਧਰਮ ਦੁਨੀਆਂ ਤੋਂ ਦੂਰ ਲੁਕ ਕੇ ਵਿਹਲੇ ਬਹਿਣ ਤੇ ਪਿਆਲੇ ਪੀ ਕੇ ਮਸਤ ਰਹਿਣ ਵਿੱਚ ਨਹੀਂ, ਸਗੋਂ ਦੁਨੀਆਂ ਵਿੱਚ ਰਹਿ ਕੇ ਆਪਣੇ ਫਰਜ਼ ਨਿਭਾਈਏ, ਸੰਸਾਰ ਦੇ ਲੋਕਾਂ ਦੀ ਸੇਵਾ ਕਰੀਏ, ਪਰਮਾਤਮਾ ਦਾ ਨਾਮ ਜਪੀਏ ਤੇ ਹੋਰਨਾਂ ਨੂੰ ਵੀ ਜਪਾਈਏ।
ਧਰਮ ਦੀ ਕਿਰਤ ਤੇ ਪਰਉਪਕਾਰ ਹੀ ਅਸਲੀ ਪੂਜਾ ਹੈ।
ਗੁਰੂ ਜੀ ਨਾਲ ਗਿਆਨ ਗੋਸ਼ਟ ਕਰਨ ਤੋਂ ਬਾਅਦ ਸਿੱਧ ਮੰਨ ਗਏ ਕਿ ਉਹਨਾਂ ਦੀ ਰਾਹ ਗਲਤ ਹੈ।
ਉਹਨਾਂ ਸਭਨਾਂ ਨੇ ਗੁਰੂ ਜੀ ਦੇ ਦੱਸੇ ਰਸਤੇ ਤੇ ਚੱਲਣ ਦੀ ਪ੍ਰਣ ਕੀਤਾ।