ਇਕ ਦਿਨ ਨਾਨਕ ਜੀ ਜਦੋਂ ਗਾਂਵਾਂ ਤੇ ਮੱਝਾ ਚਾਰਨ ਲੈ ਕੇ ਗਏ, ਗਾਂਵਾਂ ਤੇ ਮੱਝਾ ਜੰਗਲ ਵਿਚ ਚਰਨ ਲਗ ਗਈਆਂ।
ਤਾਂ ਨਾਨਕ ਜੀ ਆਪ ਕਿਸੇ ਦਰਖਤ ਹੇਠ ਲੇਟ ਗਏ, ਗਰਮੀ ਬਹੁਤ ਜਿਆਦਾ ਸੀ। ਉਹਨਾਂ ਨੂੰ ਨੀਂਦ ਆ ਗਈ।
ਜਦੋਂ ਸੂਰਜ ਸਿਖਰਾਂ ਤੇ ਆਇਆ ਤਾਂ ਨਾਨਕ ਜੀ ਦੇ ਚਿਹਰੇ ਤੇ ਧੂਪ ਦੀ ਲਿਸ਼ਕਾਰਾ ਪੈਣ ਲਗਾ। ਨੇੜੇ ਹੀ ਖੁੱਡ ਵਿਚੋਂ ਸੱਪ ਨਿਕਲਿਆ, ਉਸਨੇ ਆਪਣੇ ਫਣ ਖਿਲਾਰ ਕੇ ਨਾਨਕ ਜੀ ਦੇ ਚਿਹਰੇ ਤੇ ਛਾਂ ਕੀਤੀ।
ਉਧਰੋਂ ਉਥੋਂ ਦੇ ਨਵਾਬ ਰਾਏ ਬੁਲਾਰ ਆਪਣੇ ਸਾਥੀਆਂ ਨਾਲ ਆ ਰਿਹਾ ਸੀ। ਜਦੋਂ ਉਹਨਾਂ ਨੇ ਦੇਖਿਆ ਕਿ ਕਾਲੂ ਦੇ ਬੇਟੇ ਨਾਨਕ ਦੇ ਚਿਹਰੇ ਤੇ ਸੱਪ ਨੇ ਛਾਂ ਕੀਤੀ ਹੋਈ ਹੈ ਤਾਂ ਉਹ ਸਮਝ ਗਿਆ ਕਿ ਇਹ ਕੋਈ ਰੱਬੀ ਨੂਰ ਹਨ। ਉਸਨੇ ਨਾਨਕ ਜੀ ਨੂੰ ਨਮਸਕਾਰ ਕੀਤੀ।
ਅੱਜ ਇਥੇ ਗੁਰੂਦੁਆਰਾ ਮਾਲਜੀ ਸਾਹਿਬ ਸਥਿਤ ਹੈ।