ਇਹ ਗੁਰਦੁਆਰਾ ਸੁਲਤਾਨਪੁਰ ਲੋਧੀ, ਪੰਜਾਬ ਵਿੱਚ ਹੈ। ਇੱਥੇ ਗੁਰੂ ਨਾਨਕ ਦੇਵ ਜੀ ਨੇ ਲਗਭਗ ੧੪ ਸਾਲ ਤਪਸਿਆ ਕੀਤੀ। ਇੱਥੇ ਗੁਰਦੁਆਰਾ ਸਾਹਿਬ ਦੇ ਨਾਲ ਨਾਲ ਵੇਈ ਨਦੀ ਵੀ ਚਲਦੀ ਹੈ। ਗੁਰੂ ਜੀ ਹਰ ਰੋਜ਼ ਵੇਈ ਨਦੀ ਤੇ ਹੀ ਇਸ਼ਨਾਨ ਕਰਿਆ ਕਰਦੇ ਸਨ।
ਉੱਥੋਂ ਦੇ ਸਿੱਖ ਭਾਈ ਭਗੀਰਥ ਜੀ ਗੁਰੂ ਜੀ ਨੂੰ ਹਰ ਰੋਜ਼ ਦਾਤੁਣ ਲਿਆ ਕੇ ਦਿੰਦੇ ਸਨ। ਇੱਕ ਦਿਨ ਭਾਈ ਭਗੀਰਥ ਜੀ ਨੇ ਬੇਨਤੀ ਕੀਤੀ ਕਿ ਗੁਰੂ ਜੀ ਇਸ ਥਾਂ ਤੇ ਆਪਣੀ ਕੋਈ ਨਿਸ਼ਾਨੀ ਦਿਉ, ਤਾਂ ਕਿ ਲੋਕ ਇਸ ਥਾਂ ਨੂੰ ਹਮੇਸ਼ਾ ਯਾਦ ਰੱਖਣ। ਤਾਂ ਗੁਰੂ ਜੀ ਨੇ ਉਹ ਦਾਤੁਣ ਉੱਥੇ ਹੀ ਗੱਡ ਦਿੱਤੀ ਤੇ ਕਿਹਾ ਕਿ ਇਸ ਜਗਾ ਤੇ ਬਹੁਤ ਵੱਡੀ ਬੇਰ ਹੋਵੇਗੀ।
ਗੁਰਦੁਆਰਾ ਬੇਰ ਸਾਹਿਬ ਅੱਜ ਉਹੀ ਜਗ੍ਹਾ ਤੇ ਸਥਿਤ ਹੈ।
ਗੁਰੂ ਨਾਨਕ ਦੇਵ ਜੀ ਨੇ ਇਸ ਜਗਾ ਤੇ ਮੂਲ ਮੰਤਰ ਦਾ ਉਚਾਰਨ ਵੀ ਕੀਤਾ।